ಕ್ರೀಡಾ ಪರಿಕರ ಹಸ್ತಾಂತರ

ಕಟೀಲು ಪ್ರೌಢಶಾಲೆಯಲ್ಲಿ ಮೂವತ್ತೈದು ವರ್ಷಗಳ ಕಾಲ ದೈಹಿಕ ಶಿಕ್ಷಕರಾಗಿ ನಿವೃತ್ತರಾದ ಸುಂದರ ಪೂಜಾರಿಯವರನ್ನು ಅವರ ಶಿಷ್ಯವರ್ಗದವರು ಕಟೀಲಿನಲ್ಲಿ ಅದ್ದೂರಿಯಾಗಿ ಸಂಮಾನಿಸಿದ್ದರು. ಆ ಸಂದರ್ಭ ಸಂಮಾನ ಸಮಿತಿಗೆ ಸಂಗ್ರಹವಾಗಿ ಖರ್ಚಾದ ಹಣದಲ್ಲಿ ರೂ.೪೦ಸಾವಿರ ಉಳಿಕೆಯಾಗಿತ್ತು. ಆ ಮೊತ್ತವನ್ನು ಸುಂದರ ಪೂಜಾರಿಯವರಿಗೆ ನೀಡಿದಾಗ ಅವರು ಸ್ವೀಕರಿಸದೆ, ಈ ಮೊತ್ತವನ್ನು ಕಟೀಲಿನ ಪ್ರಾಥಮಿಕ ಹಾಗೂ ಪ್ರೌಢಶಾಲೆಗಳಿಗೆ ಕ್ರೀಡಾಪರಿಕರಣಗಳಿಗೆ ಉಪಯೋಗಿಸಿ ಎಂದಿದ್ದರು.ಆ ಪ್ರಕಾರ ರೂ.೨೫ಸಾವಿರ ರೂ.ಗಳ ಕ್ರೀಡಾಪರಿಕರಣಗಳನ್ನು ಕಟೀಲಿನ ಹಿರಿಯ ಪ್ರಾಥಮಿಕ ಶಾಲೆಗೆ ಹಾಗೂ ರೂ. ೧೫ಸಾವಿರವನ್ನು ಪ್ರೌಢಶಾಲೆಗೆ ಸೋಮವಾರ ನೀಡಲಾಯಿತು. ಈ ಸಂದರ್ಭ ಕಟೀಲು ದೇಗುಲದ ಅರ್ಚಕ ಹರಿನಾರಾಯಣದಾಸ ಆಸ್ರಣ್ಣ, ಸುಂದರ ಪೂಜಾರಿ, ನಿವೃತ್ತ ಉಪಪ್ರಾಚಾರ‍್ಯ ಉಮೇಶ್ ರಾವ್ ಎಕ್ಕಾರು, ಉಪಪ್ರಾಚಾರ‍್ಯ ಸುರೇಶ್ ಭಟ್, ಮುಖ್ಯ ಶಿಕ್ಷಕಿ ವೈ. ಮಾಲತಿ, ತಿಮ್ಮಪ್ಪ ಕೋಟ್ಯಾನ್, ಸುದೀಪ್ ಅಮೀನ್, ಉದಯ ಅಜಿಲ, ವಾಸುದೇವ ಶೆಣೈ ಮತ್ತಿತರರಿದ್ದರು.